Jăl jang 2021-2026, Hô̆i đŏng kon pơlei dêh char Đăk Lăk pơm jang lơ̆m khei năr pơkăp tơmơ̆t hơdoi hơnih jang hanh chĭnh tơ̆ dêh char, hăm lơ tơdrong tơchơ̆t 'nao gah jơnŭm pơgơ̆r păng trong tơlĕch pơm jang. Lơ̆m jăl jang, hlôi tơlĕch jê̆ 1.000 tơchơ̆t lơ̆m dôm tơdrong jang. Tơdrong trŏ kơ tơchơ̆t roi năr roi đei hơtŏk, tơguăt hăm tơdrong hơrih, tơtom pơm hơdah gah tơchơ̆t jang đơ̆ng Trung ương păng đơ̆ng Tĭnh uy, pơm trong ăn khôi luơ̆t, hơtŏk mŭk drăm – tơpôl, vei sơđơ̆ng tơpôl teh đak.

Tơ̆ hop akŏm, ƀok Lương Nguyễn Minh Triết, Ƀĭ thư Tĭnh uy Đăk Lăk pôk bơnê kơ dôm tơdrong jang đei jơnei kăp gĭt mă Hô̆i đŏng kon pơlei dêh char jang đei lơ̆m jăl jang ou ki. Atŭm hăm noh pơgơ̆r Hô̆i đŏng kon pơlei pơtoi tơplih, hơtŏk pơ-'lơ̆ng tơdrong jang, iŏk jang sơnong kơ hơnih jang kon pơlei pôk, pơm trŏ tơdrong tơchơ̆t hơtŏk tơ-iung kơ tơrring lơ̆m jăl jang 'nao.