VOV4.Bahnar - Pơ gê (18/4), đĭ đăng hŏk tro tơ̆ pơ lei tơm (plt) Buôn Ma Thuột dêh char Dak Lak năm hŏk tơ̆ hnam trưng dơ̆ng, đơ̆ng rŏng lơ khei hŏk trư̆k tuyê̆n yoa đơ̆ng jĭ Covid 19. Akŏm jơ hngâm pơ tho hŏk, pơm lăp rim tơ drong, mă loi hăm hơ iŏh mâu yăo 5 sơ năm păng hŏk tro lăm 1 ‘nŏh jĭ tơ drong kăl, đei dôm hnam trưng akŏm jơ hngâm pơ tho lơ̆m dôm khei oei đei dơ̆ng kơ sơ năm hŏk ‘nâu.

Hŏk tro Buôn Ma Thuột năm hŏk tơ̆ hnam trưng

Yak hlŏh 1 sơ năm hŏk hăm lơ khei hŏk trư̆k tuyê̆n, dang ei đei năm hŏk dơ̆ng tơ̆ hnam trưng, plt Buôn Ma Thuột oei hơ met pơ ‘lơ̆ng rim tơ drong, vei kơ jăp tơ drong pơ tho, hŏk pơ hrăm, tơ gĕch jơ năr hŏk tro đei năm hŏk tơ̆ hnam trưng vă pơ gơ̆r pơ tho, hŏk đei yoa ‘lơ̆ng, lăp hăm rim tơ drong đei tơ lĕch lơ̆m sơ năm hŏk.

Dơ̆ng: Tơ blơ̆