VOV4.Bahnar -  Pơgê năr 29/8, hlŏh 450.000 ‘nu hŏk tro kơ dêh char Dak Lăk hlôi mơ̆t hŏk pơhrăm sơnăm hŏk 2022-2023. Chơt hơ iă ‘nă hal atŭm hăm pơngơ̆t lơ̆m dôm năr blŭng vĭh hơlơ̆k mơ̆t hŏk tơ̆ hnam trươnglăp đơ̆ng rŏng, pơdơ̆h hŏk đunh ‘nŏh jing jơhngơ̆m đon chơt hiôk đơ̆ng đe hŏk tro, mĕ ƀă păng ƀok thây kô pơtho.

Học sinh trường tiểu học Võ Thị Sáu trong ngày đầu trở lại trường

Sơnăm hŏk 2022-2023, lơ̆m dêh char Dak Lăk đei hlŏh 450.000 ‘nu hŏk tro đơ̆ng lăm mâm non trŭh jăl pêng. Vă pơjing đei jơ ‘năr chơt hơ iă ăn đe ŏh năm tơ̆ hnam trương, Dơnŏ anĭh vei lăng hnam trương pơtho pơhrăm hlôi pơrô̆ athei rim hnam trương gô mơ̆ng kơ dĭh đei rơvơn lơ liơ kơna pơgơ̆r rim tơdrong jang chơt hơ iă, sơđơ̆ng, trŏ lăp hăm jơhnơr hŏk tro, tơdrong oei sa joăt joe kơ hơdrĕch hơdrung vă sơng hơvơn đe ŏh. Đơ̆ng nŏh tơgŭm ăn đe ŏh đei jơhngơ̆m đon hiôk chơt mơ̆t hŏk pơhrăm sơnăm hŏk ‘nao.

Tơblơ̆ nơ̆r: Amazưt