VOV4,Bahnar - Pơ tơm đơ̆ng 26/4 truh đĭ ‘năr 3/5, hŏk tro lăm 12 lơ̆m tĕh đak gơ̆h pơih mât lơ̆m Kơ măy vei lăng thi kơ Anih tơm vei lăng pơ tho pơ hrăm vă chih măt vang thi tốt nghiệp Trung học Phổ thông sơ năm 2022 kiơ̆ trong trư̆k tuyê̆n. ‘Nâu jĭ sơ năm mă blŭng hŏk tro pơm hla ar thi hăm kơ măy trư̆k tuyê̆n tơ plih ăn tơ drong athei năm pơm hăm kơ phĭu nhen thoi rim sơ năm. Yoa thoi nŏh, Anih tơm vei lăng pơ tho pơ hrăm ‘măn dang 1 giĕng vă hŏk tro pơ tâp pơm hla ar thi lơ̆m kơ măy, adrol kơ pơm tơ pă kiơ̆ trong trư̆k tuyê̆n.

Anih tơm hlôi bơ̆ jang pơ long năng tơ̆ 2 hnam trưng Trung học Phổ thông tơ̆ tơ ring mơ mat tat hlŏh kơ dêh char Bắc Giang păng Hòa Bình, mă hơ tuch hŏk tro pơm tôch ƀônh, hiôk hian. Đơ̆ng rŏng kơ pơm pơ long năng, đơ̆ng ‘năr 4/5 truh 5 jơ kơ sơ̆ ‘năr 13/5, hŏk tro gô chih măt tơ pă kiơ̆ trong trư̆k tuyê̆n lơ̆m kơ măy vei lăng thi tơ̆ Hnam trưng.

Dơ̆ng: Tơ blơ̆