Vang năm akŏm lêh đei Đại tướng Phan Văn Giang, jang lơ̆m Hơnih tơm Chinh trĭ, Phŏ Thủ tướng teh đak, Ƀô̆ trương Hơnih tơm Vei lăng Khŭl linh. Găn ga 80 sơnăm tơ-iung pơjing păng hơtŏk, Hŏk viê̆n hlôi jing hơnih tơm pơtho đe kang ƀô̆ kơpal, tơgŭm păng chih hơlen khua hŏk gah khul linh gơh hơgei kơ Khul linh kon pơlei Việt Nam, pơhrăm đei kơ rơbăn kang ƀô̆ ăn Việt Nam, Lào păng Campuchia.

Pơma ah jơ lêh, Đại tướng Phan Văn Giang pôk bơnê kơ dôm tơdrong jang đei jơnei đơ̆ng Hŏk viê̆n, atŭm hăm noh pơgơ̆r athei pơtoi tơplih 'nao pơtho pơhrăm, hơtŏk chih hơlen khua hŏk, tơplih kơmăi kơsô̆, iŏk yua kơ̆l 'ngok tơchăr hơgei, pơjing khŭl bơngai pơtho gơh rơgei hloh, hơdrin truh sơnăm 2030 jing hŏk viê̆n gơh hơgei hloh.