Kiơ̆ tơlĕch jang, 'măng hop akŏm gô hơlen lăng, pơkăp dôm tơdrong kăl gah jơnŭm pơgơ̆r jang, bơngai jang kơpal ăn teh đak; hơlen 9 tơdrong chih luơ̆t, tơchơ̆t gah khôi luơ̆t; atŭm hăm noh pơma đam 5 grŭp tơdrong jang tih gah mŭk drăm – tơpôl, jên hu, jên mong, hơlen lăng păng dôm tơdrong jang kăp gĭt nai.

Tơrĕk hloh noh, Kuô̆k hô̆i gô keh đang tôm kơchư̆k kơdră kơpal nhen Kơdră teh đak, Thủ tướng Teh đak, Kơdră Kuô̆k hô̆i, dôm Phŏ Kơdră Kuô̆k hô̆i, Phŏ Thủ tướng, bơngai jang lơ̆m Jơnŭm pơgơ̆r teh đak păng rim hơnih jang kơ Kuô̆k hô̆i. Kơchĕng 'măng hop akŏm đei pơgơ̆r lơ̆m 11 năr, asong jing 2 'măng, pơtơm ah pơgê năr 6/4/2026 păng pơtôch ah năr 24/4/2026.