VOV4.Bahnar - Ƀlep Năr Apŭng plĕnh tĕh đe Drŏ kăn 8/3, kơsơ̆ năr 4/3, truh năm ngôi păng hmach chơt hơ iă Trung ương Khŭl drŏ kăn Việt Nam, Kơdră jang lơ̆m dơnŏ anĭh tơm Chĭnh trĭ, Kơ iĕng Kơdră chĕp pơgơ̆r Kuô̆k hô̆i Trần Thanh Mẫn athei hơmet ăn ‘lơ̆ng vă pơgơ̆r jơnei Pơm lêh Hop akŏm Kơdră tang măt Drŏ kăn lơ̆m tĕh đak ‘măng mă 13 kơnh. Tang măt ăn Kơdră chĕp pơgơ̆r Đảng, Tĕh đak, Kuô̆k hô̆i, ƀok Trần Thanh Mẫn pơtrŭh nơ̆r hmach ‘lơ̆ng hơ iă hlŏh trŭh Khul drŏ kăn Việt Nam adoi nhen đĭ đăng đe drŏ kăn lơm tĕh đak ling lang pran jăng grăng akau, hơnŭk hơnoa păng jơnei. Hăm trong jang “Hơtŏ hơnơ̆ng hrei au kơ yuơ mĭnh năr dơning kơ jăp ‘lơ̆ng” kơ năr Apŭng plĕnh tĕh đe drŏ kăn 8/3 sơnăm au, ƀok Trần Thanh Mẫn pơma hơdăh, Kơdră chĕp pơơ̆r Đảng, Tĕh đak, Khŭl kơdră chĕp pơgơ̆r Tĕh đak, Kuô̆k hô̆i gô hơnơ̆ng pơjing rim tơdrong rơvơn vă đĭ đăng bơngai drŏ kăn kang ƀô̆, bơ̆ jang lơ̆m kŏng đoàn iung jang đĭ jơhngơ̆m, sơkơ̆t hơdăh tơdrong gơ̆h jang, tơdrong yom kiơ̆ kơ jăp, iŏk đei jơnei kơtang, vang tơgop lơ hlŏh dơ̆ng lơ̆m tơdrong jang tơplĭh ‘nao tĕh đak lơ̆m khei năr kơnh.

Tơblơ̆ nơ̆r: Amazưt