Rim kơdră tang măt akŏm tơgop nơ̆r lơ̆m hơmet ming tơdrong tơchơ̆t găh tơplih chiu pŭ tơlĕch jang pơm sơđơ̆ng kơjă vă trŏ lăp hăm khul kơdră chĕp pơgơ̆r tơring 2 kâp; hơmet ming hơnăn mĭnh ƀar tơmam drăm, tĕch răt kơ yuơ Teh đak sơkơ̆t hơdăh kơjă păng gơh jang, trong sơkơ̆t hơdăh kơjă; hơmet ming, tơmơ̆t dơ̆ng tơdrong tơchơ̆t găh dăr lăng tơdrong bơ̆ jang găh kơjă vă trŏ lăp hăm khôi luơ̆t găh dăr lăng; tơdrong gơh jang vei lăng teh đak găh kơjă đei tơplih ‘nao kơ yuơ proh hơmet ming khul bơ̆ jang chĕp pơgơ̆r teh đak ... Adoi athei, dôm tơdrong hơmet ming khôi luơ̆t kăl sơđơ̆ng ƀlep hăm rim khôi luơ̆t đei ƀơm truh nhen Khôi luơ̆t Khăm, hơmet jĭ, Khôi luơ̆t Thuê̆ jang sa iŏk đei kơ rim bơngai, Khôi luơ̆t Pơm tơlĕch hla bơar tơchơ̆t khôi luơ̆t. kăl hơnơ̆ng chă tơchĕng hơlen, dăr lăng vă tơdrong pơjao gơ̆h jang ăn Hơnih vei lăng kon pơlei tơring tơlĕch iung jang dôm tơdrong jang đei ƀơm truh pơm sơđơ̆ng kơjă trŏ lăp hloh lơ̆m khei năr ou kơnh.