Hơmet pơkă, asong ming man 2 jăl trong kơdou hrĕnh găn Đăk Lăk hơdrol kơ sơnăm 2030
Thứ sáu, 08:11, 17/07/2026
Lan chih tơblơ̆
Lan chih tơblơ̆
VOV.Bahnar – Kơtơ̆ng ang tơroi ah hop akŏm hla bar tơroi pơgê năr (16/7), Hơnih jang vei lăng kon pơlei dêh char Đăk Lăk ăn tơbăt, kiơ̆ Tơchơ̆t 1088 đơ̆ng Hơnih tơm Ming man, jăl trong kơdou hrĕnh Pleiku - Buôn Ma Thuột - Gia Nghĩa đei kơsô̆ hơtaih hloh 260 km hlôi đei hơmet khei năr man keh đang hơdrol kơ sơnăm 2030.
Tơdrong ming man đei jên asong jang pơhlom 70.000 tih hlj. Adoi kiơ̆ Tơchơ̆t kơsô̆ 1088, jăl trong kơdou hrĕnh Phú Yên – Đăk Lăk đei hơmet asong jang keh đang hơdrol kơ sơnăm 2030. Kiơ̆ pơkăp jang, jăl 1 hơtaih pơhlom 122 km, pơtoi đơ̆ng dơnŏk duk Bãi Gốc (Phú Yên so) truh Buôn Hồ (Đăk Lăk); jăl mă 2 pơtoi man đơ̆ng Buôn Hồ truh tơring sơlam Việt Nam - Campuchia.
Tơdrong mă 2 jăl trong kơdou hrĕnh găn dêh char Đăk Lăk đei asong man keh đang hơdrol kơ sơnăm 2030 jĭ tơdrong kăp gĭt hloh, pơih să tơdrong hơtŏk tơ-iung 'nao păng hơtŏk pơtoi ăn dêh char Đăk Lăk iŏk yua tơdrong hiôk đơ̆ng rŏng kơ hơgrop tơring.
Viết bình luận