Tơdra adrol, ƀât Tết Nguyên đán 2023, tơdrong ‘mĕh vă răt yoa tơmam tŏk đơ̆ng 10-15%, yoa thoi nŏh dôm anih pơm tơlĕch, tĕch mơdro hlôi hơtŏk tơdrong jang xa, tĕch mơdro, ‘măn răk tơmam vă tĕch ăn tơdrong ‘mĕh vă tôch lơ đơ̆ng kon pơlei, mă loi hăm dôm tơmam xa, đak nhă. 

Vă pơtruh măh mai, vei sơđơ̆ng kơjă tĕch đơ̆ng dang ei truh Tết Nguyên đán, Anih tơm vei lăng jang kơmăy, tĕch mơdro hơnơ̆ng jang hơdoi hăm dôm anih tơm, anih jang kơpal, tơring tơrang hơlen năng kơjăp tơdrong tĕch mơdro, pơtruh măh mai dôm tơmam yoa kăl tĕch ăn kon pơlei, mă loi lơ̆m dôm năr lêh, têt, ưh ăn đei tơdrong ưh kơ măh tơmam, kơjă tơmam tŏk hlŏh tơdrong.