VOV4.Bahnar - Lơ̆m tơring Tây Nguyên hrei au đei 2.000 dơnau đak. Tơdrong hơmơt ư̆h sơđơ̆ng rim dơdau đak lơ̆m pơyan ‘mi hlôi đei Dơnŏ anĭh tơm vei lăng Chŏh jang sa păng Atŏk tơ iung tơring tơrang tơbăt lơ̆m lơ sơnăm kơ au.

Lơ̆m ‘măng năm dăr lăng dơnau pơnơ̆t đak tơ̆ Tây Nguyên tơjê̆ au, ƀok Nguyễn Văn Tỉnh, Kơdră chĕp pơgơ̆r Dơnŏ anĭh tơm vei lăng Pơnơ̆t đak tơbăt, tơ̆ lơ tơring, lơ̆m pơyan ‘mi hơbŭt hơbông, tơ̆ rim dơnau đak ‘nao lăp lăng trŭh tơdrong pơchŏh đak kiơ̆ pơlăp hơdrol mă tim tơchĕng trŭh tơdrong pơchăh pơnơt. Lơm mă nŏh, đĭ đăng rim dơnau tă lơ̆m ư̆h kơ gan sơđơ̆ng ngăl, mă kăl pơnơ̆t đak chă bơ̆ hăm tĕh hlôi lơ sơnăm. ‘Nau jing tơdrong tôch hơmơt tơt lơ̆m pơyan ‘mi păng rim dêh char Tây Nguyên kăl lăng trŭh. Lơ̆m mă tŏk bŏk gô chang kon jên jang đơ̆ng Trung ương vă ming hơmet, rim dêh char lơ̆m tơring dăh tơlĕch trong jang vei lăng sơđơ̆ng rim dơnau vă ƀô̆h hrô̆ih păng tơbăt hrôih ăn kon pơlei.

Tơblơ̆ nơ̆r: Amazưt