Ăn tơgop nơ̆r găh tơchơ̆t ăn asong jang kiơ̆ sơđơ̆ng ƀlep tơdrong tơchơ̆t, Kơdră chĕp pơgơ̆r Kuô̆k hô̆i Trần Thanh Mẫn athei sơkơ̆t hơdăh trong tơlĕch jang, tơdrong rơvơn, jơ ‘năr jang kiơ̆ păng trong jang dăr lăng hơlen đei tơdrong ou to. Găh tơ-‘ngla đei iŏk yoa sa hơpăh păng tơroi tơbăt bơ̆ jang hăm dih băl, kăl đei pơtho tơƀôh mă hơdăh vă iung jang ‘lơ̆ng hơ iă hloh. Đei ƀơm truh tơdrong bơ̆ jang vei lăng mŭk drăm sơđơ̆ng trái phiếu hơnih mơdro sa kơ Hơnih mong jên mơdro sa, Kơdră chĕp pơgơ̆r Kuô̆k hô̆i pơkă athei sơkơ̆t mă hơdăh tơdrong gơh jang, hơnăp jang kơ rim pang păng trong jang hơlen hơdăh lơ̆m tơdrong iung jang hơdoi, pơm kiơ̆ kơjăp dôm trong vei lăng năng tông hơmơt đei tơdrong.