Tơ̆ 'măng hop akŏm, Phŏ Kơdră Kuô̆k hô̆i Nguyễn Thị Thanh ră hơdah, tơchơ̆t dơnơm đang ei noh tơ-iung teh đak Việt Nam pran kơtang, hơtŏk tenh păng kơjăp sơđơ̆ng, lơ̆m noh hơtŏk tơ-iung kơjăp tơguăt hăm dôm tơdrong kăl kơ tơpôl păng kon bơngai. Tơchơ̆t đơ̆ng tơm truh tơ̆ goi noh iŏk kon pơlei pơm tơm, iŏk kon bơngai jing dơnơm, jing jơhngơ̆m pran vă jang rim tơdrong tơchơ̆t tơlĕch.

Hơnih jang Joh ayŏ, Tơpôl jang sơnong dơnơm ah mă iŏk pơgơ̆r dôm tơdrong jang đei tơrĕk kơtă truh tơdrong hơrih kon bơngai đơ̆ng 'nao đei rơneh truh ah lôch hơchăng. Vă keh đang sơnong jang, Hơnih jang tơguăt tơguăl, iŏk tơdrong hlôh vao đơ̆ng hơdrol, tơchơ̆t mă hơtuch noh pơjing minh Kuô̆k hô̆i rơngei hơtŏ hơnơ̆ng, gơh hơgei, jang trŏ luơ̆t pơkăp, pơm jang tơpă kơyuơ kon pơlei, ưh đei lê̆ hiơt rim tơdrong tơchơ̆t ayơ  gah hơtŏk tơ-iung kon bơngai.