Kơsơ̆ năr 7/6, ah 'Măng hop akŏm mă mônh, Kơdră teh đak bơ̆n tơbang hơnăn pơtruh vă Kuô̆k hô̆i pôk Thủ tướng teh đak bơ̆n jăl jang 2026-2031. Đơ̆ng rŏng kơ pơma đam, drơ̆ng nơ̆r hơlen hơnăn pơtruh, Kuô̆k hô̆i pơtơm pôk Thủ tướng teh đak kiơ̆ trong tah kơphĭu srĕp. Đơ̆ng noh, ƀok Lê Minh Hưng - jang lơ̆m Hơnih tơm Chinh trĭ, Ƀĭ thư Trung ương Đảng, Kơdră Hơnih pơgơ̆r jang Trung ương, jang tang măt ăn Kuô̆k hô̆i jăl 16 đei Kuô̆k hô̆i pôk jang kơchư̆k Thủ tướng teh đak bơ̆n, jăl jang 2026-2031. Tơchơ̆t gah tơdrong pôk kơchư̆k Thủ tướng Teh đak hăm ƀok Lê Minh Hưng adoi đei Kuô̆k hô̆i hơlen pơkăp hăm tôm 495 bơngai tang măt drơ̆ng nơ̆r (hơtŏ 100% bơngai tang măt đei măt, đei 99% kơsô̆ bơngai tang măt Kuô̆k hô̆i.

Thủ tướng 'nao kơ teh đak bơ̆n Lê Minh Hưng rơneh sơnăm 1970; Pơlei pơla tơ̆ xah Tứ Mỹ, dêh char Hà Tĩnh; Hŏk đang kao kâ̆p gah lĭ luâ̆n chinh trĭ ; hŏk đang Thạc sĩ Chính sách công; Đăi hŏk gah Chính sách công, hŏk đang Cử nhân gah nơ̆r Phalăng.