Tơ̆ pơgơ̆r, 58 ŭnh hnam Kŏng ang oei sa ‘lơ̆ng đei pôk pơ ư, tang măt ăn kơ hrĕng ŭnh hnam lơ̆m khul Kŏng ang kon pơlei. Mĭnh ŭnh hnam đei tơdrong oei sa kơdih, mă lei jei tơƀơ̆p dih băl lơ̆m tơdrong atŭm ‘noh tơdrong plang ăn, lăng ba păng jing bơngai dơ̆ng đơ̆ng rŏng kơjăp vă kang ƀô̆, kŏng ang yak hloh tơdrong mơmat tat, jang keh đang tơdrong bơ̆ jang. Iung pơma tơ̆ pơgơ̆r, Thượng tướng Lê Quốc Hùng, Kơ iĕng Kơdră chĕp pơgơ̆r Hơnih tơm Kŏng ang sơkơt hơdăh, hăm khul kŏng ang kon pơlei, ŭnh hnam ‘noh khul găh rŏng kơjăp iăp kơtang, jĭ hơnih gơnang sơđơ̆ng ăn jơhngơ̆m đon vă rim kŏng ang kĕ yak hloh dôm tơdrong pơmat tat hrat hrin, vei kơjăp nơ̆r pơkăp kơ yuơ tơdrong jang vei lăng năng tông sơđơ̆ng Teh đak. Kơ iĕng kơdră tơm Lê Quốc Hùng jei hơpơi ‘meh vă ŭnh hnam Kŏng ang ling lang kiơ̆ yok rok jơ̆ng joăt joe, pơtho khan ăn kôn mon kon hơ ‘lơ̆p hơrih sa ‘lơ̆ng, tơgop tơ iung pơjing khul kong ang roi năr roi pran kơjăp iăp kơtang lơ̆m chăl atŏk tơ iung kơ teh đak.