Khul kơpal năm jang sơkơ̆t hơdah ƀô đô̆i vei lăng sơlam teh Đăk Lăk hlôi pơm jang tơnăp dôm sơnong jang tơjră rôp you IUU; kơchăng jang hơdoi hăm tơring păng rim khul jang kơpal vă hơlen lăng duk ka, hơtŏk dăr lăng tơ̆ đak dơsĭ tơguăt hăm vei lăng tơdrong pơgơ̆r, vei sơđơ̆ng tơpôl. Tơdrong jang tơroi tơbăt đei hơtŏk kơtang, tơgop hơtŏk băt hơdah ăn tơ-'ngla duk, bơngai vơ̆r duk păng kon pơlei jang rôp you ka băt gah tơdrong răm đơ̆ng pơm glăi rôp you IUU.

Hơdrol kơ noh, khul kơpal hlôi hơlen lăng tơ̆ dôm hơnih chă hơlen vei tơring sơlam, dơnŏk duk ka lơ̆m dêh char Đăk Lăk. Tơdrong dăr hơlen akŏm lơ̆m tơdrong jang hơdoi vei lăng duk ka, chih akŏm tơdrong mơ̆t lĕch tơ̆ dơnŏk duk kiơ̆ jơ năr tơpă, sek tơlang tơdrong pơm glăi IUU păng iŏk yua dôm phân mêm hơlen lăng vă băt tơm a la chă ka hơdang rôp you đei.