Kiơ̆ trong pơprŏ ăn đơ̆ng Hơnih tơm vei lăng Choh jang sa păng Cham char, ‘măng pơgơ̆r tơbăt 80 sơnăm đei pơgơ̆r đơ̆ng khei 7 truh khei 12 sơnăm 2025, hăm lơ tơdrong pơgơ̆r chinh trĭ, tơpôl, joh ayŏ git kăl. Hăm trong “Joăt joe-Tơplih ‘nao-Atŏk tơ iung-Kơjăp ‘lơ̆ng”, Pơm lêh tơbăt 80 sơnăm Hơnih jang vei lăng Choh jang sa păng Cham char ưh khan lăp jơ ‘năr vă pôk bơnê ăn rim jơhnơr hlôi plang ăn, mă oei hơyak kăl ăn jăl atŏk tơ iung ‘nao - lăng truh choh jang sa rơgoh ‘lơ̆ng, tơring choh jang sa chăl hle, kon pơlei choh jang sa gơ̆h hơgei, tơgoăt hăm vei lăng, iŏk yoa păng vei lăng mŭk drăm-cham char jơnei, kơjăp ‘lơ̆ng. Kiơ̆ yok rok jơ̆ng joăt joe 80 sơnăm, pơđĭ lơ̆m hơnih hơnơ̆ng atŏk kơtang pơting dih băl ‘mêm kơ eng teh đak, tơplih ‘nao trong chĕp pơgơ̆r, jang kiơ̆ khoa hŏk-kmăi kmŏk, tơplih kơsô̆, tơgop tơ iung pơjing teh đak pơdrŏng, rơgoh ‘lơ̆ng păng hơnŭk hơnoa, tơlĕch jang kiơ̆ tơdrong hơpơi ‘meh vă “Việt Nam nuih mơng pran kơtang, hơnŭk hơnoa, rơgoh ‘lơ̆ng păng kơjăp ‘lơ̆ng.”