Tơdrong hơlen lăng pơm jang tơ̆ dôm hơnih jang nhen Trung đoàn 584, Kơđông linh vei sơlam teh 735, Kơđông linh vei sơlam teh 737 păng tơmơ̆ng kơdră Hơnih tơm vei lăng khul linh dêh char Đăk Lăk tơroi, Thượng tướng Trương Thiên Tô chih hơdah, pôk bơnê kơ dôm tơdrong jang đei jơnei. Atŭm hăm noh, khul pơm jang adoi tơƀôh hơdah dôm tơdrong oei tơjruh, tơblang tơdrong tơm păng pơgơ̆r hăm Hơnih tơm vei lăng khul linh dêh char Đăk Lăk tơlĕch trong jang vă hơmet 'lơ̆ng, pơm kiơ̆ dôm sơnong jang tơm lơ̆m khei năr truh.

Lơ̆m noh tơdrong tơm hơmet păng tơlĕch pơtơ̆p tơ̆ hơnih pơgăn atŭm hăm hơmet vei lăng 'lơ̆ng tơpôl lơ̆m dêh char. Atŭm hăm noh, kơchăng jang atŭm chă hơlen tơdrong hơtơ̆p jrăng sơlam teh Việt Nam - Campuchia; hơlen, vei lăng kơjăp bơngai jang, duk vih vơ̆t, kơchăng chă hơvơn mưh kăl; pơm jang tơnăp tơdrong tang găn, tơjră pơm glăi, tơjră hăm rôp you ka glăi (IUU) păng pơm kiơ̆ "Tơdrong jang 500 măng năr" chơ chă sir kôch akŏm kơting linh lôch tang ăn teh đak.