Hơnih vei lăng kon pơlei kơ pơlei tơm Hồ Chí Minh pơgơ̆r iung jang 8 hơnih ming man, tơdrong jang kăl
Thứ năm, 08:57, 02/07/2026
VOV/Amazưt tơblơ̆
VOV/Amazưt tơblơ̆
VOV.Bahnar - Ƀlep lơ̆m năr tơbăt 50 sơnăm năr Pơlei tơm Hồ Chí Minh đei krao hơnăn Kơdră chĕp pơgơ̆r teh đak Hồ Chí Minh, pơgê năr 1/7, Hơnih vei lăng kon pơlei kơ pơlei tơm Hồ Chí Minh pơgơ̆r iung jang ming man 8 hơnih ming man, tơdrong vă jang kăl hăm akŏp kon jên hloh 253.000 ti hlak jên.
Mă kăl ‘noh tơdrong vă jang ming man Cham să Bến Nhà Rồng - Khánh Hội păng pơtăm ‘long yơ̆p Cham să Bến Bạch Đằng, hăm hơgăt teh să hloh 73 ha, akŏp kon jên tơmơt jang 29.300 ti hlak jên. Tơdrong vă jang ming hơmet trong gre Nguyễn Tất Thành jing yă ăn 10 pang gre kơdou, ming man gơng kơpal trong gre Hoàng Diệu, man ‘nao păng pơih să gơng Tân Thuận, tơmơt jên ming man cham gre dơ̆ng, dơnŏk duk, hnam kmăi kmŏk. Mă kăl ‘noh gơng yak jơ̆ng koa thoong đak kroong Sài Gòn tơƀưh dih băl Bến Nhà Rồng hăm Bến Bạch Đằng, hơnih ming man oei sa joh ayŏ-chăl sơnăm sơ̆ ki să 11ha tơ̆ Bến Nhà Rồng, tơgop pơjing tơplih ‘nao ăn hơnih tơm.
Viết bình luận