VOV.Bahnar - Hơnĭh tơm tơbăt kơtơ̆ng ang tĕh tơdrŏ păng tơbăt đak pŏh yă kơtang- Viện Vật lý địa cầu găh Viện Hàn lâm Khoa học păng Kmăi kmŏk Việt Nam hlôi tơbăt hơdăh, tơ̆ apŭng Kon Plông, dêh char Kon Tum ‘nao đei 4 ‘măng tĕh tơdrŏ hơnơ̆ng. Kiơ̆ kơ ‘nŏh tĕh tơdrŏ mă blŭng lơ̆m tŏk bŏk măng năr 22/6, kơtang 3,2 độ (lơ̆m tĕh jrŭ dang 8,1km). Đơ̆ng rŏng ‘nŏh vă jê̆ 1 jơ gơmăng đei dơ̆ng tĕh tơdrŏ mă 2, kơtang 2,8 độ. Tĕh tơdrŏ mă 3 đơ̆ng rŏng ‘nŏh 15 pơnĭt, lơ̆m 1 jơ 15 pơnĭh, kơtang 2,6 độ. Păng ‘măng mă 4 lơ̆m 2 jơ 04 pơnĭt, kơtang 2,6 độ. Hơnĭh tơm tơbăt kơtơ̆ng ang tĕh tơdrŏ păng tơbăt đak pŏh yă kơtang tơbăt, rim ‘măng tĕh tơdrŏ au hoei pơm pơrăm yă kiơ ră. Dang ei, Hơnĭh tơm tơbăt kơtơ̆ng ang tĕh tơdrŏ păng tơbăt đak pŏh yă kơtang- Viện Vật lý địa cầu tŏk bŏk dăr lăng kơ jăp rim ‘măng tĕh tơdrŏ au.

Tơblơ̆ nơ̆r: Amazưt