VOV4.Bahnar -  “Rim hơnĭh bơ̆ jang chĭh kơtơ̆ng ang, dơnŏ anĭh pơm tơlĕch kơsơ̆p hla bơar kăl tơbăt ăn kơtơ̆ng ang, dôm tơdrong kăl, tơbăt rim trong bơ̆ jang tĕh đak tơtom, ‘lơ̆ng hơ iă, mă kăl hăm dôm tơdrong mă kon pơlei lăng trŭh”. ‘Nau jing nơ̆r athei đơ̆ng Bí thư Trung ương Đảng, Kơdră chĕp pơgơ̆r Ban Tuyên giáo Trung ương Nguyễn Trọng Nghĩa tơ̆ Hop akŏm bơ̆ jang chĭh kơtơ̆ng ang, pơm tơlĕch kơsơ̆p hla bơar sơnăm 2022 đei pơgơ̆r kơsơ̆ năr 8/8, tơ̆ Hà Nội. Tơ̆ Hop akŏm, rim Kơdră tang măt hlôi pơma dơnŭh vă atŏk kơtang bơ̆ jang hơdoi lơ̆m chĕp pơgơ̆r, pơchŏh trong, tơbăt kơtơ̆ng ang tôm tong, tơtom; atŏk kơtang bơ̆ jang ‘lơ̆ng hơ iă kơtơ̆ng ang, nơ̆r pơrô̆ pơrôp vă pơchŏh trong ăn tơpôl sơđơ̆ng trŏ lăp, trŏ ƀlep, hơmet pơ ‘lơ̆ng dôm tơdrong jang tim mă ‘lơ̆ng hơ iă lơ̆m bơ̆ jang chĭh kơtơ̆ng ang, pơm tơlĕch kơsơ̆p hla bơar ....

Tơblơ̆ nơ̆r: Amazưt