VOV4.Bahnar - Pơ gê ‘năr (9/3), tơ̆ Hà Nội pơ gơ̆r ‘măng hop akŏm mă mônh Hop akŏm bơ ngai tang măt lơ̆m teh đak ‘măng mă 13, jăl jang 2022-2027. Vang akŏm đei 1 rơ bâu ‘nu bơ ngai tang măt drŏ kăn hơ gei, tang măt ăn kơ khŭl drŏ kăn, dôm hơ drĕch hơ drŭng, lui khop păng dôm tơ drong jang pha ra băl lơ̆m teh đak. Hop akŏm pơ gơ̆r đơ̆ng ‘năr 9/3 truh ‘năr 11/3. Hăm hơ năn “ Hơ tŏk tơ drong joăt joe tơ goăt tơ goăl, pơ cheh hơ gei, yua kơ tơ drong hơ nŭk hơ noa kơ teh đak”, Hop akŏm hơ len lăng tơ drong jang drŏ kăn păng tơ drong bơ̆ jang đơ̆ng Khŭl jang vei lăng drŏ kăn Việt Nam khei ‘năr âu ki, tơ lĕch hơ năp jang, dôm tơ drong hơ iă lơ̆m jăl jang 2022-2027 păng pôk đei Khŭl chĕp kơ̆l Khŭl jang vei lăng drŏ kăn Việt Nam jăl 13. Tơ̆ ‘măng hop akŏm mă mônh, dôm bơ ngai tang măt pơ ma dơ nuh rơ̆ih pôk Khŭl kơ dră Hop akŏm, khŭl thư ký hop akŏm, pơ drơ̆ng kiơ̆ tơ drong jang Hop akŏm păng tơ chơ̆t Hop akŏm. Hơ drol ‘noh, dôm bơ ngai tang măt hlôi mơ̆t hơ pong tơ̆ pơ sat Kơ dră Hồ Chí Minh, ming kơ vang pơ kao tơ̆ Hơ nih soi kơ dôm linh nŭih mơng lôch dŏng teh đak Bắc Sơn.

Thuem: Tơ blơ̆