VOV4.Bahnar - Hop akŏm bơ ngai tang măt kơ đe drŏ kăn lơ̆m tĕh đak ‘măng mă 13, jăl jang đơ̆ng 2022-2027 vă pơ gơ̆r đơ̆ng ‘năr 9 - 11/3/2022. ‘Nâu jĭ jăl jang mă blŭng jang kiơ̆ Trong jang atŏk tơ iung Khul drŏ kăn Việt Nam truh sơ năm 2030, trong vă jang truh sơ năm 2035. ‘Nâu jĭ nơ̆r roi tơ băt đei Khul drŏ kăn Việt Nam tơ lĕch tơ̆ jơ hop roi tơ băt pơ gê (1/3) tơ̆ Hà Nội. 

Hăm hơ năn “Tơ iung tơ drong juăt, tơ guăt 1 ƀơ̆r đon, rơ gei, yoa tơ drong hơ nŭk hơ noa kơ tĕh đak”, Hop akŏm bơ ngai tang măt ăn đe drŏ kăn lơ̆m tĕh đak ‘măng mă 13 vă hơ len năng tơ drong jang đơ̆ng đe drŏ kăn păng tơ drong jang đơ̆ng Khul drŏ kăn Việt Nam jăl jang 2017-2021, tơ lĕch trong vă jang, tơ drong kăl jang ‘lơ̆ng lơ̆m jăl jang đơ̆ng 2022-2027 păng pôk rơih Khul kơ dră chĕp kơ̆l Khul drŏ kăn Việt Nam jăl 13. Tơ chĕng adrol, hop akŏm đei 1.000 ‘nu bơ ngai tang măt tơ pă ‘nŏh jĭ đe drŏ kăn rơ gei, dơ̆ng tang ăn rim khul grŭp drŏ kăn, rim hơ drĕch hơ drung, tơ drong lui khop păng dôm tơ drong jang pha ra băl lơ̆m tĕh đak vang truh akŏm.

Dơ̆ng: Tơ blơ̆