Hop akŏm Bơngai tang măt Đảng ƀô̆ Jơnŭm pơgơ̆r teh đak 'măng mă mônh, jăl jang 2025-2030 gô pơgơ̆r lơ̆m 2 năr 12-13/10/2025. Hăm tơdrong truh akŏm đơ̆ng 453 bơngai tang măt ăn hloh 209 rơbou đảng viên lơ̆m 2 rơbou 211 anih jang đảng lơ̆m tôm Đảng ƀô̆ Jơnŭm pơgơ̆r teh đak.  

Hăm pơkăp  “Tơguăt tơguăl Pơkăp sơđơ̆ng – Hiôk hian  tơplih 'nao – Jang kơtang  Hơtŏk tơ-iung – Tơguăt tơjê̆ hăm kon pơlei”, Hop akŏm gô sơkơ̆t hơdah tơdrong jang đei jơnei kơ jăl jang 2020-2025, hơlen lăng dơ̆ng tơdrong pơgơ̆r pơm jang đơ̆ng Ƀan chơ̆p hanh Đảng ƀô̆ Jơnŭm pơgơ̆r teh đak jăl jang 2020-2025; sơkơ̆t hơdah trong tơchơ̆t tơlĕch pơm jang kơ jăl jang 2025-2030; Pơma đam, tơgop nơ̆r lơ̆m tơdrong chih akŏm Hla bar kăp gĭt kơ Trung ương pơtruh ăn Hop akŏm bơngai tang măt jơ̆p teh đak 'măng mă 14 kơ Đảng.