VOV4.Bahnar – Kơsơ\ năr 29/8, tơ\ Hà Nội, pơgơ\r Hop ako\m bơngai tang măt ja#p teh đak kơ Anih jang 'long pơglang brê Việt Nam 'măng mă 11, jăl jang 2022-2027, hăm tơdrong vang ako\m đơ\ng hloh 500 'nu tang măt đơ\ng bơngai rơgei tang măt ăn hloh 7,2 tr^u kang [o#, bơngai jang, hơdruh tơdăm kơ Anih jang 'long pơglang brê Việt Nam 'măng mă 11 hăm lơ xơnong jang kăp g^t, lơ\m noh, xơkơ\t tơdrong đei jơnei kơ khul jang păng tơdrong jang kơ Anih jang 'long pơglang brê jăl jang 2017-2022; xơkơ\t tơdrong pơkăp jang păng dôm trong jang kăp g^t hơto\k tôm tơdrong jang kơ Jơnu\m păng Anih jang 'long pơglang brê lơ\m jăl jang 2022-2027. Jăl jang âu ki, Anih jang 'long pơglang brê lơ\m ja#p teh đak hơnơ\ng gơh rơgei, pơgơ\r lơ tơdrong jang 'mêm bơnat truh lơ bơngai jang lơ\m tơpôl, hăm jơhngơ\m jang hloh 23 rơbâu tih hlj, tơgu\m ăn rim xơnăm ăn hloh 18 tr^u 'nu bơngai. Ăh 'măng hop ako\m mă mônh Hop ako\m bơngai tang măt ja#p teh đak ăn Anih jang 'long pơglang brê Việt Nam hlôi pôk {an cha#p hanh Trung ương Jơnu\m jang 'Long pơglang brê Việt Nam jăl 11, jăl jang 2022-2027 păng pơgơ\r Hop ako\m {an cha#p hanh Trung ương Jơnu\m jang jăl 11 'măng mă mônh.

Lan chih păng pơre nơ\r