Hăm pơkăp  “Tơguăt tơguăl – Hiôk hian – Pơkăp sơđơ̆ng – Jang kơtang – Hơtŏk tơ-iung”, Hop akŏm bơngai tang măt Đảng ƀô̆ dêh char Lâm Đồng 'măng mă I, jăl jang 2025 – 2030 đei 498 bơngai tang măt ăn jê̆ 119.400 đảng viên lơ̆m jơ̆p dêh char vang truh akŏm. Kơsơ̆ 'năr brei (9/10), pơgơ̆r hop akŏm hơmŏ, vă rơih pôk Khul Kơdră pơgơ̆r tơdrong hop akŏm đei 15 'nu; Khul Thư kĭ chih hla bar ăn hop akŏm đei 3 'nu; Jơnŭm hơlen dăr lăng đei 5 'nu; Kiơ̆ tơdrong tơlĕch jang, Tơchơ̆t pơm jang kơ hop akŏm; Tơroi asong 8 Khul bơngai tang măt pơma đam dôm hla bar chih akŏm kăp gĭt vă pơtruh ăn Hop akŏm bơngai tang măt jơ̆p teh đak mă 14 kơ Đảng.

Pơm kiơ̆ nơ̆r krao hơvơn đơ̆ng Khul Kơdră pơgơ̆r kơ Anih jang Trung ương MTTQ Việt Nam păng Anih jang MTTQ Việt Nam dêh char Lâm Đồng tơgŭm kon pơlei ƀơm 'mi kial đak hơbông kơsô̆ 10 pơrăm, ah 'măng hop akŏm hơmŏ hlôi iŏk đei tơdrong tơgop đơ̆ng 128 Đảng ƀô̆ lơ̆m Tĭnh uy Lâm Đồng păng kon pơlei hăm kơsô̆ jên hloh 27,8 ti hlj