Hăm tơdrong jang kăl “Kon pơlei pơm tơm - Tơgoăt pôm ƀơ̆r đon - Pơm kiơ̆ tơpăt tơdrong hơgăt - Jang ‘lơ̆ng - Hơtŏk tơiung”, hop akŏm hơnơ̆ng tơƀôh hơdăh jơhngơ̆m đon tơgoăt tơgoăl, drơ̆ng 1  nơ̆r, jơhngơ̆m đon nuih, gơh hơgei, đon hơdrin, tơdrong joăt joe ‘lơ̆ng hơiă đơ̆ng Đảng bộ păng khŭl ƀô̆ đô̆i Quân khu 9 lơ̆m prăt 80 sơnăm pơjing, iung jang păng jang đei jơnei, tơgăl ‘noh jĭ khŭl lĭnh iung tơblăh 1 jơhngơ̆m đon, lui ngeh kơ Đảng, teh đak păng kon pơlei lơ̆m tơdrong jang pơjing păng vei lăng kơjăp tơring gĭt kăl Pơmơ̆t Pơbăh kơ teh đak lơ̆m chăl ‘nao.

Lơ̆m jăl jang 2025 – 2030, Kơdră Anih jang Đảng, Anih tơm pơgơ̆r khŭl linh Quân khu băt dăh dôm tơdrong hơgăt nhen pơjing khŭl lĭnh Quân khu pran kơjăp găh chĭnh trĭ, pơm hơtŏk ‘lơ̆ng akŏm păng gơh hơgei, kĕ iung tơblăh; hơtŏk ‘lơ̆ng tơchĕng hơlen, tơdra hơdrol, jang tơgŭm gĭt kăl hăm Quân ủy Trung ương, Anih tơm vei lăng khŭl lĭnh găh vei sơđơ̆ng teh đak, vei sơđơ̆ng ƀlep, đei yua, ưh kơ lê̆ đei ưh kơ ê.