VOV4.Bahnar - Pơgê năr 22/4, tơ̆ Hà Nội, kơ yuơ Tổng Bí thư Nguyễn Phú Trọng pơm tơm, Dơnŏ anĭh tơm Chĭnh trĭ, Ban Bí thư pơgơ̆r hop akŏm lơ̆m tĕh đak tơlĕch jang kiơ̆ Tơdrong tơchơ̆t 13-NQ/TW năr 2-4-2022 kơ Dơnŏ anĭh tơm Chĭnh trĭ jăl XIII găh trong atŏk tơ iung mŭk drăm-tơpôl, vei lăng sơđơ̆ng tĕh đak, sơđơ̆ng tơring Tơmăn đak kroong Cửu Long trŭh sơnăm 2030, lăng trŭh sơnăm 2045. 

Tổng Bí thư Nguyễn Phú Trọng

Hop akŏm vă tơlĕch jang kiơ̆ Tơdrong tơchơ̆t 13 trŭh rim hơnĭh tơm, hơnĭh bơ̆ jang, tơring; atŏk kơtang jơhngơ̆m đon hlô̆h vao, hơnăp jang, kơrŭn jơhngơ̆m jang chĭnh trĭ kơ rim hơnĭh đảng, hơnĭh bơ̆ jang, kang ƀô̆, đang viên, bơngai jang vă tơlĕch jang kiơ̆ kơtang, jơnei tơdrong tơchơ̆t Dơnŏ anĭh tơm Chĭnh trĭ. Hơdrol kơ ‘nŏh, tơ̆ hop akŏm kơ Dơnŏ anĭh tơm Chĭnh trĭ, Tổng Bí thư Nguyễn Phú Trọng hlôi pơma hơdăh: kăl pơjing đei tơdrong tơchơ̆t, sơkơ̆t hơdăh hơnăp jang, hơnĭh dơ̆ng gĭt kăl kơ tơdrong jang mŭk drăm tơring Tơmăn đak kroong Cửu Long.

Tơblơ̆ nơ̆r: Amazưt