Pơgê năr 16/11, tơ̆ Anih jang Trung ương Đảng, hăm tơdrong pơgơ̆r đơ̆ng ƀok Tổng Bí thư Nguyễn Phú Trọng, Anih tơm Chĭnh trĭ, Anih jang Ƀĭ thư pơgơ̆r Hop akŏm jâ̆p teh đak băt hơdăh păng tơlĕch pơm kiơ̆ Tơchơ̆t kơsô̆ 26 đơ̆ng Anih tơm Chĭn trĭ găh trong pơkăp hơtŏk mŭk drăm – tơpôl, vei xơđơ̆ng tơpôl teh đak, xơđơ̆ng hơtŏk tơ iung tơring Tu Tŏk bŏk păng tơring tơter đak dơxĭ Tŏk bŏk truh xơnăm 2030, xơkơ̆t truh xơnăm 2045 kiơ̆ pơkăp kơtă păng trư̆k twê̆n pơdjoi đơ̆ng anih tơm Hà Nội truh dôm dêh char, apŭng păng tơring.

pơma pơgơ̆r hop akŏm, ƀok Tổng Bí thư Nguyễn Phú Trọng ră hơdăh, đon kơchĕng, pơkăp pơgơ̆r đơ̆ng Tơchơ̆t noh hơtŏk tơring Tu Tŏk bŏk păng Tơter đak dơxĭ Tŏk bŏk athei trŏ hăm Pơkăp hơtŏk mŭk drăm – tơpôl, Pơkăp hơtŏm kơjăp kơtang, hơtŏk jơk kơ teh đak păng Pơkăp hơtŏk tơ-iung kơjăp mŭk drăm đak dơxĭ Việt Nam. Hơtŏk kơjăp kơtang găh đak dơxĭ, pơdrŏng đơ̆ng đak dơxĭ kiơ̆ trong iŏk vei tơnăp hloh dôm mŭk drăm, trong hiôk, mă hăt noh găh đak dơxĭ; hơtŏk đei jơnei dôm mŭk drăm oei đei; dôm tơring jang mŭk drăm đak dơxĭ, anih jang kŏng ngĭp, tơdrong jang tơter đak dơxĭ, dôm anih jang mŭk drăm; dôm tơdrong hơtŏk, dôm anih jang kơ tơring dơnơm; dôm anih jang mŭk drăm đak dơxĭ.