VOV4.Bahnar - Pơ gê ‘năr 28/3, tơ̆ Quảng Ninh, Jơ nŭm Lý luận Trung ương, Anih tơm chih hơ met hla ar tơ roi Cộng sản păng Anih jang Đảng dêh char Quảng Ninh jang hơ dai pơ gơ̆r Hop akŏm khoa hŏk kơ teh đak “Khŭl jang păng jơ hngơ̆m pran ăn tơ iung ming păng hơ tŏk tơ iung mŭk drăm tơ pôl lơ̆m tơ drong pơm lăp sơ đơ̆ng, tơ tĕnh, vei lăng đei yua jĭ Covid-19 - Trĕng lăng kơ teh đak păng bơ̆ jang đơ̆ng tơ ring”. Pơ ma tơ̆ hop akŏm, ƀok Nguyễn Xuân Thắng, Kơ dră Jơ nŭm Lý luận Trung ương tơ ƀôh pơ̆ih trong gơh jang ‘nao lơ̆m hơ vơn, iŏk jang păng iŏk yua đei jơ nei dôm jên jang, pơ jing jơ hngơ̆m pran ‘nao ăn tơ iung ming păng hơ tŏk tơ iung mŭk drăm - tơ pôl.

Jơ hop akŏm

Dôm bơ ngai tang măt hlôi tơ blang hơ dăh găh tơ drong pơm rơ hơi dôm jên jang mă hơ dăh nhen jên jang teh đak, teh, bơ ngai jang; trong jang hơ tŏk tơ iung khoa hŏk, kơ măy kơ mŏk păng tơ plih ‘nao hơ gei, trong jang jên hu; jên jang đơ̆ng tơ pôl; vei sơ đơ̆ng tơ drong arih sa tơ pôl; tơ mam drăm joh ayŏ; tơ drong jang tơ mơ̆t iŏk kơ măy kơ mŏk păng hơ tŏk tơ drong jang hơ dai đơ̆ng dôm mŭk drăm, tơ iung ming tơ drong jang tơ mang lăng; hơ tŏk ‘lơ̆ng đei yua vei lăng tơ ring, hơ tŏk jên jang, jơ hngơ̆m pran ‘ngoăih teh đak.

Thuem: Tơ blơ̆