VOV4.Bahnar - Pơ gê 11/1, tơ̆ Hà Nội, Anih tơm sek tơ lang kon pơ lei pơ gơ̆r Hop akŏm khoa hŏk “Hơ met ming tư phap tơ̆ Anih sek tơ lang kon pơ lei truh sơ năm 2030, trong jang truh sơ năm 2045 pơm lăp hăm tơ drong pơ jing, hơ met pơ ‘lơ̆ng tĕh đak chĕp kơ̆l pơ gơ̆r kiơ̆ khôi luơ̆t xã hội chủ nghĩa Việt Nam”.

Kơ dră jang lơ̆m Anih tơm Chinh trĭ, Kơ dră tĕh đak Nguyễn Xuân Phúc, Kơ dră Anih pơ gơ̆r jang Hơ met ming tư phap kơ Trung ương, Kơ dră pơ gơ̆r tơ drong jang “Trong jang gĭt kăl pơ jing păng hơ met pơ ‘lơ̆ng tĕh đak chĕp klơ̆l pơ gơ̆r kiơ̆ trong xã hội chủ nghĩa Việt Nam truh sơ năm 2030, trong jang truh sơ năm 2045” truh akŏm păng iung pơ ma nơ̆r pơ tho. 

Pơ ma tơ̆ hop akŏm, Kơ dră tĕh đak Nguyễn Xuân Phúc athei tơ lĕch dôm trong jang hơ met ming ‘nao lơ̆m chăl hle đơ̆ng dang ei truh sơ năm 2030, trong jang truh sơ năm 2045 lăp hăm tơ drong đei tơ̆ yăn âu kơ tĕh đak păng trong jang tŏk atŭm kơ apŭng plenh tĕh. Akŏm ăn dôm trong jang hơ met ming anih jang, khul grŭp păng tơ drong jang đơ̆ng Anih sek tơ lang; klăih song hơ dăh hơ năp jang, tơ drong vei lăng đơ̆ng anih sek tơ lang vă pơm ‘lơ̆ng ăn rim anih sek tơ lang; tơ plih ‘nao, pơm pơ kĕh hla ar tơ kêng lăp ‘lơ̆ng, đei yoa.

Dơ̆ng: Tơ blơ̆