VOV4.Bahnar - Vă tơ gop pơm rơ gŏh dôm kơ jă kăp gĭt găh khoa hŏk – tơ pă tơ̆ yăn âu đơ̆ng đon tơ chĕng Hồ Chí Minh găh hơ tŏk jơ hngâm đon kăch mang, sut pơ đĭ đon tơ chĕng pơ ‘nhŏ ăn kơ dih, chơt hơ iă vă tơ băt 132 sơ năm Năr rơ nĕh ƀok Hô, pơ gê 12/5, tơ̆ Hà Nội pơ gơ̆r hop akŏm khoa hŏk kơ tĕh đak, pơ dă um rup, hla ar chih “Hơ tŏk jơ hngâm đon jang kăch mang, sut pơ đĭ đon tơ chĕng pơ ‘nhŏ ăn kơ dih kiơ̆ jơ hngâm đon ‘lơ̆ng đơ̆ng Ƀok Hô”.

Jơ bơ̆ jang lơ̆m hop akŏm

Ƀok Võ Văn Thưởng, Kơ dră jang lơ̆m Anih tơm Chinh trĭ, Kơ dră chĕp kơ̆l Ban Bí thư vang truh păng pơ gơ̆r hop akŏm. Dôm ƀai chih tơ blang lơ̆m hop akŏm pơm hơ dăh anih dơ̆ng đơ̆ng đon tơ chĕng Hồ Chí Minh găh dôm tơ drong kăl hlŏh lơ̆m tơ drong jang kăch mang Việt Nam; tơ drong kăl đơ̆ng đon tơ chĕng ưh đei tơ plih lơ̆m jơ hngâm đon ‘lơ̆ng đơ̆ng Ƀok Hô hăm tơ drong jang tơ iung pơ jing Đảng pơ ma atŭm păng pơ jing Đảng găh jơ hngâm đon pơ ma adrô̆ đơ̆ng sơ̆ truh dang ei păng ăn chăl ‘nao ning mônh.

Dơ̆ng: Tơ blơ̆