VOV4.Bahnar - Pơ gê ‘năr 25/5, tơ̆ Hà Nội, Anih tơm vei lăng Kŏng an păng Anih tơ roi tơ băt Trung ương jang hơ dai pơ gơ̆r Hop akŏm khoa hŏk kơ teh đak "Khŭl linh Kanh sat kon pơ lei lơ̆m tơ drong jang kach mang Việt Nam". Hloh 100 ƀai pơ ma dơ nuh gơ̆ih truh hop a kŏm, tơ roi tôm tơ drong lý luận păng yan âu găh pơ jing khŭl linh kanh sat kon pơ lei nuih mơng, ‘mêm mơ nat, yua kơ kon pơ lei pơ vih pơ văn 1 trong tôm tong, đei tơ drong jang. Sơ kơ̆t hơ dăh: Lơ̆m kơ plăh iung jang, pơ jing păng jang đei, khŭl linh kanh sat kon pơ lei ling lang hơ drin, hơ met pơ ‘lơ̆ng rim tơ drong mơ mat tat, tơ năp lơ̆m tơ drong jang, đĭ jơ hngơ̆m pơ vih pơ văn ăn kon pơ lei, tơ găl hăm 16 chư jơk đei teh đak pôk pơ ư “ Kanh sat Việt Nam hơ gei, nuih mơng, yua kơ teh đak yua kơ kon pơ lei, hiơt kơ dih kâu pơ vih pơ văn”. ‘Nâu tơ pă jing dôm tơ drong jang khoa hŏk ƀĕnh đon pơ hnŏng, hơ gei, tơ năp, đei tơ drong tôch kơ lơ, hơ iă, tơ roi tơ drong ‘lơ̆ng dôm tơ drong lý luận, yan âu ƀơm truh tơ drong jang pơ jing khŭl linh Kanh sat kon pơ lei kach mang, hơ bĕch hơ bal, hơ gei ‘lơ̆ng.

Thuem: Tơ blơ̆