VOV4.Bahnar - Pơ gê ‘năr 16/8, Anih tơm vei lăng Kŏng an jang hơ dai hăm Học viện chính trị Quốc gia Hồ Chí Minh, Anih jang vei lăng sơ đơ̆ng teh đak kơ Kuôk hô̆i păng Hơ nih in tơ lĕch hla ar Chĭnh trĭ teh đak tơ pă pơ gơ̆r hop akŏm khoa hŏk teh đak: “ Hơ tŏk jơ hngơ̆m pran đĭ đăng hơ drĕch hơ drŭng vei lăng sơ đơ̆ng teh đak lơ̆m chăl ‘nao”. Tơ̆ hop akŏm dôm bơ ngai tang măt akŏm pơm hơ dăh tơ drong kăl păng dôm tơ drong ‘meh vă hơ tŏk jơ hngơ̆m pran đĭ đăng hơ drĕch hơ drŭng vei lăng sơ đơ̆ng teh đak lơ̆m tơ drong ‘nao; tơ blang hơ dăh tơ drong hơ tŏk tơ iung đon tơ chĕng lý luận đơ̆ng Đảng, mă loi ‘noh dôm tơ drong hlôh vao ‘nao lơ̆m hla ar kăl Hop akŏm XIII găh hơ tŏk jơ hngơ̆m pran đĭ đăng hơ drĕch hơ drŭng vei lăng sơ đơ̆ng teh đak.

Jơ hop akŏm

Hơ dai hăm pơm hơ dăh tơ drong păng tơ lĕch dôm hơ năp jang, trong jang hơ tŏk jơ hngơ̆m pran đĭ đăng hơ drĕch hơ drŭng vei lăng sơ đơ̆ng teh đak lơ̆m tơ drong ‘nao 1 trong đei yua păng ‘lơ̆ng. Pơ tôch đơ̆ng hop akŏm ‘noh jĭ tơ drong ‘lơ̆ng vă apĭnh hăm kơ dră chĕp kơ̆l Đảng, teh đak đei trong jang hơ tŏk jơ hngơ̆m pran đĭ đăng hơ drĕch hơ drŭng vei lăng sơ đơ̆ng teh đak, tơ gop tơ drong vei lăng teh đak “ đơ̆ng hrôh” “ đơ̆ng hơ tăih”, pơ yua ăn đei iŏk yua hơ năp jang hơ tŏk tơ iung mŭk drăm, joh ayŏ, tơ pôl păng jang tơ bôl kơ teh đak.

Thuem: Tơ blơ̆