VOV4.Bahnar - Năr 14/10, tơ̆ pơlei tơm Yên Bái, Dơnŏ anih tơm Ƀô̆ đô̆i vei lăng sơlam tĕh đak, Ban Tuyên giáo Trung ương păng dêh char Yên Bái vang pơgơ̆r Hop akŏm khoa hŏk tĕh đak tơbăt 70 sơnăm Jơnei rơngei Tây Bắc hăm hơnăn “Jơnei rơngei Tây Bắc 1952 - Tơgăl chăl sơnăm păng trong jang kiơ̆".

Rup hop akŏm

Đunh kơ au 70 sơnăm, sơnăm 1952, hăm trong chĕp pơgơ̆r đơ̆ng Đảng păng Ƀok Hô, ƀô̆ đô̆i păng kon pơlei bơ̆n tơ̆ Tây Bắc hăm tơdrong vang iung jang đơ̆ng rim kơdrăn tơblăh, tơring tơrang lơ̆m teh đak hlôi iŏk đei jơnei tĭh tên lơ̆m Iung tơblăh Tây Bắc. Jơnei rơngei au jing tơdrong gĭt kăl dăr sơnăm, tơbăt hơdăh mĭnh hơyak ‘nao atok tơ iung ‘nao, tơgop ba ‘măng tơblăh vang tang găn Phalăng jơnei rơngei keh kong. Tơ̆ hop akom, hlŏh 90 ƀai pơma dơnŭh hlôi akŏm pơm hơdăh tơdrong gĭt kăl trong iung tơblăh, chĭnh trĭ, mŭk drăm kơ Jơnei rơngei Tây Bắc vă pơjing đei tơdrong rơvơn păng pran ‘nao ăn ‘măng tơblăh jơnei rơngei Puih mak 1953 – 1954, pơtôch ‘măng iung tơblăh tang găn Phalăng tơgar tĕh đak.

VOV/Amazưt tơblơ̆