VOV4.Bahnar - Pơgê năr 8/8, tơ̆ Hà Nội, Khŭl kơdră chĕp pơgơ̆r Đảng Kŏng ang Trung ương iung jang hơdoi hăm Học viện Chính trị quốc gia Hồ Chí Minh pơgơ̆r hop akŏm khoa hŏk tĕh đak: Iung jang tang găn hơlau, tơ jră tang găn, pơrăm hŭt jơnei rim tơdrong đei ƀô̆h jơhngơ̆m đon kơnê̆ lơ̆m bơ̆ jang, erĭh sa, “kơdĭh pơm tơdrong”, “kơdĭh hul hơl” lơm kang ƀô̆, đang viên Kŏng ang kon pơlei. Đại tướng Tô Lâm, Kơdră jang lơ̆m Dơnŏ anĭh tơm Chĭnh trĭ, Ƀĭ thư Đảng Kŏng ang Trung ương, Kơdră chĕp pơgơ̆r Dơnŏ anĭh tơm Kŏng ang pơm tơm hop akŏm. Tơ̆ hop akŏm, rim nơ̆r pơma akŏm hơlen kơtang, pơm hơdăh dôm tơdrong pơm ăn trŭh jơhngơ̆m đon hul hơl; tơlĕch rim trong jang iung tơ jră tang găn, pơrăm hŭt jơnei jơhngơ̆m đon kơnê̆ lơ̆m bơ̆ jang, erĭh sa, pơm ăn “kơdĭh pơm tơdrong”. “kơdĭh hul hơl” lơ̆m kang ƀô̆, đang viên kŏng ang kon pơlei, vă tơ iung pơjing khŭl Đảng lơ̆m Kŏng ang kon pơlei tơpă rơgŏh, pran kơtag, trŏ lăp hăm tơdrong jang lơ̆m chăl hle kiơ̆ Tơdrong tơchơ̆t 12 kơ Dơnŏ anĭh tơm Chĭnh trĭ.

Tơblơ̆ nơ̆r: Amazưt