VOV4.Bahnar - Pơ gê (23/6), tơ̆ plt HCM, Anih pơ gơ̆r Trung ương jang hơ doi hăm Khul tơ blang Trung ương păng Anih jang đảng plt HCM pơ gơ̆r Hop akŏm khoa hŏk tĕh đak “Tơ plih ‘nao trong chĕp kơ̆l pơ gơ̆r đơ̆ng Đảng hăm tơ drong jang đơ̆ng rim anih jang chinh trĭ – Dôm ƀai chih tơ blang păng tơ pă tơ̆ yăn âu” tơ̆ tơ ring găh Pơ băh.

Pơ ma hơ iă ăn hop akŏm, Bí thư đảng plt HCM Nguyễn Văn Nên ăn tơ băt, kiơ̆ đơ̆ng hop akŏm, plt HCM gô chih iŏk lơ ƀai hŏk kăl, hơ iă đơ̆ng dôm bơ ngai juăt jang, bơ ngai jang khoa hŏk, dôm dêh char, plt vă tơ mât yoa tơ̆ yăn âu. Dôm nơ̆r pơ ma lơ̆m hop akŏm vă hơ len năng dơ̆ng 15 sơ năm bơ̆ jang tơ drong Tơ chơ̆t 15, tơ drong tơ pă tơ̆ yăn âu tơ̆ dôm tơ ring, tơ lĕch trong jang ‘lơ̆ng hlŏh, tơ gŭm ăn Anih chĕp kơ̆l pơ gơ̆r đei trong hơ len năng mưh tơ mât yoa dôm tơ drong kăl vă tơ roi ăn Khul kơ dră chĕp kơ̆l Trung ương lơ̆m khei 10/2022, vă Trung ương set hơ len, tơ lĕch tơ drong tơ chơ̆t hơ nơ̆ng tơ plih ‘nao trong chĕp kơ̆l pơ gơ̆r đơ̆ng Đảng hăm rim anih jang chinh trĭ lơ̆m chăl ‘nao.

Dơ̆ng: Tơ blơ̆