VOV4.Bahnar - Pơgê năr 4/10, tơ̆ Hà Nội, Viện Hàn lâm Khoa học xã hội Việt Nam pơgơ̆r Hop akŏm khoa hŏk “Khoa hŏk tơpôl păng tơdrong ‘lơ̆ng rŏ hlŏh 10 sơnăm jang kiơ̆ Tơdrong tơchơ̆t 20 găh atŏk tơ iung khoa hŏk păng kmăi kmŏk”.

Hop akŏm Khoa hŏk tơpôl păng tơdrong ‘lơ̆ng rŏ hlŏh 10 sơnăm jang kiơ̆ Tơdrong tơchơ̆t 20

Kiơ̆ đơ̆ng rim kơdră tang măt, jô̆ đơ̆ng đei tơlĕch jang kiơ̆, Tơdrong tơchơ̆t 20 hlôi pơjing rơvơn păng hơyak pran ăn atok tơ iung khoa hŏk păng kmăi kmŏk lơ̆m tĕh đak. Đơ̆ng nŏh pơtrŭh dôm tơdrong ƀô̆h hơdăh tơtom lơ̆m atŏk bơ̆ jang ‘lơ̆ng lơ̆m chĕp pơgơ̆r kơ Đảng păng jang jơnei lơ̆m tơdrong jang khŭl jang chĭnh trĭ; tơplĭh ‘nao trong atŏk tơ iung mŭk drăm; đei lơ tơdrong tơgop ‘lơ̆ng hơ iă lơ̆m pơm sơđơ̆ng chĭnh trĭ păng pơchŏh ăn rim trong bơ̆ jang, tơdrong tơgum djru tơplĭh ‘nao lơ̆m trong jang sa iŏk yua kơ jăp păng tơdrong kĕ pơjei kơ tơdrong jang mŭk drăm; atŏk tơ iung rim khŭl, tơpôl khoa hŏk tơpôl păng tơdrong ‘lơ̆ng rŏ kơtang, rim bơngai khoa hŏk lơ rim hơnĭh jang tơm. Mă lei lơ̆m khei ‘năr jang kiơ̆ Tơdrong tơchơ̆t oei đei lơ tơdrong găn ga. Lơ tơdrong bơ̆ jang kơ rim bơngai khoa hŏk ư̆h gan lăng akhan ‘nŏh tơdrong jang khoa hŏk; kăl: Hơnơ̆ng tơplĭh ‘nao jơhngơ̆m đon tơchĕng, hlô̆h vao găh hơnăp jang, hơnĭh jang kơ khoa hŏk tơpôl păng tơdrong ‘lơ̆ng rŏ; đei iung jang tơgăl hăm hơnĭh jang kăl; atŏk tơ iung khŭl joăt jang; hơmet pơ ‘lơ̆ng trong bơ̆ jang tơgŭm djru khôi luơ̆t vă xek tơlang keh đang dôm tơdrong tim mă ‘lơ̆ng hơ iă lơ̆m tơdrong tơchơ̆t 20.

VOV/Amazưt tơblơ̆ nơ̆r