Pơma tơ̆ pơgơ̆r pơih blŭng hop akŏm, Kơdră Quốc hội Trần Thanh Mẫn tơbăt, Hop akŏm vă pơma dơnuh, drơ̆ng nơ̆r pơgơ̆r tơdrong jang ‘Măng hop akŏm mă mônh vă rim anih jang ƀơm truh tơtom dăr hơlen tơdrong, jăh hơmet ăn dôm tơdrong tơm vă vei sơđơ̆ng ‘Măng hop akŏm mă mônh - ‘Măng hop akŏm mă blŭng kơ jăl jang Quốc hội jăl 16 pơgơ̆r hiôk, ‘lơ̆ng, đei yua hloh.

‘Măng hop akŏm mă mônh gô pơgơ̆r pơih blŭng lơ̆m pơgê ‘năr 06/4, tơchĕng hơdrol pơtôch lơ̆m ‘năr 25/4 păng klăih song jing 02 ‘măng. Quốc hội gô set hơlen; tơdrong jang pơgơ̆r khŭl bơ̆jang, bơngai jang, tơdrong jang pơjing khôi luơ̆t; 1,2 tơdrong găh dăr lăng, mŭk drăm - tơpôl, jên jang teh đak.

Pơtôch hop akŏm, Kơdră Quốc hội Trần Thanh Mẫn akhan, ‘Măng hop akŏm mă mônh ‘noh jĭ ‘măng hop akŏm mă blŭng kơ jăl jang Quốc hội jăl XVI, kơna dôm tơdrong akŏm ăn grŭp jang, khŭl jang păng dôm trong tơlĕch jang 5 sơnăm kơ jăl jang gô đei set hơlen, tơchơ̆t.