VOV4.Bahnar - Pơ gê ‘năr 7/6, tơ̆ pơ lei tơm Buôn Ma Thuột, Khŭl linh so Việt Nam pơ gơ̆r hop akŏm Khŭl linh so vang jang vei lăng cham char, hăm tơ drong vang akŏm đơ̆ng bơ ngai tang măt dôm Khŭl linh so 14 dêh char, pơ lei tơm tơ ring tŏk bŏk - Tây Nguyên. Kiơ̆ Khŭl linh so Việt Nam, đơ̆ng sơ năm 2006, Khŭl kŭm hăm Anih tơm vei lăng tơ mam drăm păng cham char hlôi kĭ pơ kăp dôm tơ drong jang hơ dai bơ̆ jang găh vei lăng cham char păng vei lăng iŏk yua teh. Truh dang ei, rim kơ dră khŭl hlôi pơ jing đei 1.650 tơ drong jang kâu lak ƀô̆ linh so vang jang vei lăng cham char.

Hop akŏm pơ ma dơ nuh

Dôm kâu lak ƀô̆ ‘nao đei dôm tơ drong jang kơ tă vang jang vei lăng cham char, jang kiơ̆ dôm tơ drong pơ vih pơ văn cham char, krao hơ vơn, tơ roi tơ băt găh tơ drong jang âu hai. Lơ grŭp tơ roi tơ băt vei lăng cham char kơ xăh hlôi đei linh so pơ jing păng bơ̆ jang đei iŏk yua. Tơ̆ hop akŏm, dôm bơ ngai tang măt vang pơ ma dơ nuh, tơ roi dôm tơ drong lơ̆m tơ drong linh so vang jang vei lăng cham char, tơ drong hlôh vao lơ̆m tơ drong tơ roi tơ băt, krao hơ vơn tơ pôl kon pơ lei; hơ tŏk ‘lơ̆ng đon hlôh vao, kĕ jang ăn bơ ngai jang lơ̆m linh so, hơ tŏk hơ năp jang tơm lơ̆m vei lăng cham char.

Thuem: Tơ blơ̆