Hlŏh 500 ‘nu bơngai tang măt ‘nŏh rim bơngai khoa hŏk, kang ƀô̆ vei lăng, ƀok thây kô, rim bơngai jang chă tơchĕng hơlen đơ̆ng rim hnam trương đăi hŏk, Hơnĭh tơm chă tơchĕng hơlen lơ̆m tơdrong jang kmăi kmok sinh hŏk lơ̆m tĕh đak vang năm hop akŏm. 

Rim nơ̆r pơma tơ̆ hop akŏm hlôi pơma hơdăh tơdrong gĭt kăl kơ tơdrong jang kmăi kmŏk sinh hŏk nhen: Tế bào gốc, kih thuơ̆t hơmet ming gen, kih thuơ̆t hơlen DNA chăl hle, chă tơchĕng pơm tơlĕch iok yua lơ̆m jang pơgang, jang ka hơdang păng chŏh jang sa. Hop akŏm au ‘nŏh jing pơgơ̆r pơma dơnŭh khoa hŏk kmăi kmok vă rim bơngai khoa hŏk, ƀok thây kô, rim bơngai tơchĕng hơlen, hŏk viên păng sinh viên đơ̆ng rim hnam trương đăi hŏk, Hơnĭh tơm chă tơchĕng hơlen, rim kŏng ty păng hơnĭh mơdro sa bơ̆ jang găh tơdrong jang Kmăi kmok sinh hŏk păng rim tơdrong jang đei ƀơm trŭh chă tơƀơ̆p, pơma dơnŭh dĭh băl, tơbăt dĭh băl dôm trong jang iŏk đei jơnei lơ̆m tơdrong chă tơchăr hle, jing rơvơn vă tơgoăt dĭh băl, jang hơdoi vang atŏk tơ iung rim đon tơchĕng pơchŏh trong tơchăr hle ‘lơ̆ng hơ iă hlŏh dơ̆ng, đei ƀơm rim tơdrong jang hlŏh dơ̆ng.