Pơma tơ̆ hop akŏm, Kơdră chĕp kơ̆l Anih tơm Nội vụ Việt Nam Đỗ Thanh Bình pơma hơdăh, ‘nâu jĭ ‘măng lăng dơ̆ng iŏk yua jang hơdai khei ‘năr âu ki păng pơih ăn jăl jang hơdai ‘lơ̆ng, đei yua hloh. Pơtôch hop akŏm, 2 Kơdră tơm hlôi kĭ Hla ar chih tơƀlŏk găh jang hơdai lơ̆m tơdrong jang bơngai jang păng bơngai đei kŏng, tơgop hơmet ming tơdrong pơvei tơbôl joăt joe, tơgoăt pôm nơ̆r ƀơ̆r đon gĭt kăl đơ̆ng 2 teh đak.

Kiơ̆ tơdrong drơ̆ng nơ̆r, 2 păh gô jang hơdai pơtrŭt jang hơdai găh tơdrong jang, sơđơ̆ng bơngai jang, vei lăng bơngai jang năm mơ̆t oei sa, yak truh vei sơđơ̆ng tơdrong gơh đei yua đơ̆ng bơngai jang păng tơgop lơ̆m tơdrong hơtŏk tơiung mŭk drăm - tơpôl kơ 2 teh đak.