Pơgê năr 5/12, Dơnŏ anĭh tơm Chĭnh trĭ, Ban Bí thư Trung ương Đảng pơgơ̆r Hop akŏm lơ̆m teh đak chă tơchĕng, hŏk pơhrăm tơlĕch jang kiơ̆ Tơdrong Tơchơ̆t Hop akŏm ‘măng mă 6, Khŭl kơdră chĕp pơgơ̆r Trung ương Đảng jăl 13, kiơ̆ trong pơgơ̆r kơtă păng trư̆k tuyên, tơgoăt hơnĭh tơm Trung ương tơ̆ Hơnih hop akŏm Diên Hồng (Hnam Kuô̆k hô̆i) hăm rim hơnĭh vang hop akŏm lơ̆m teh đak.

Tơ̆ hop akŏm, rim bơngai tang măt hlôi mơ̆ng tơbăt hơdăh găh “Hơnơ̆ng tơ iung pơjing păng pơm pơkeh Teh đak pháp quyền xã hội chủ nghĩa Việt Nam lơ̆m chăl hle”; “Hơnơ̆ng tơplĭh ‘nao trong chĕp pơgơ̆r đơ̆ng Đảng hăm tơdrong jang chĭnh trĭ lơ̆m chăl hle”; “Hơnơ̆ng atŏk kơtang jang hăm kmăi kmŏk gơh hơgei kơ Teh đak trŭh sơnăm 2030, lăng trŭh sơnăm 2045”; “Pơchŏh trong Pơprŏ jang teh đak  jăl jang 2021 - 2030, lăng trŭh sơnăm 2050”. Găh tơdrong jang tơm hơnơ̆ng tơ iung pơjing păng pơkeh teh đak pháp quyền xã hội chủ nghĩa Việt Nam lơ̆m chăl hle, Kơdră chĕp pơgơ̆r Hơnĭh bơ̆ jang Trung ương Phan Đình Trạc tơbăt, hơnơ̆ng atŏk kơtang pơrô̆ pơrôp, pơtho tơbăt, atŏk jơhngơ̆m đon hlôh vao găh teh đak pháp quyền xã hội chủ nghĩa Việt Nam.