Sơnăm 2022, Dơnŏ anĭh vei lăng kon kông hlôi jang kiơ̆ kơjăp rim tơdrong jang, trong tơgum djru kon kông, tơgop lơ̆m vei lăng năng tông erĭh sa muk drăm-tơpôl ăn kon kông păng groi kông.

Lơ̆m sơnăm 2023, Dơnŏ anih vei lăng kon kông hơnơ̆ng tơlĕch mĭnh ƀar tơdrong jang tơm, lơ̆m au jang kiơ̆ ‘lơ̆ng hlŏh dơ̆ng Tơdrong jang tơm Teh đak atŏk tơ iung mŭk drăm-tơpôl tơring kon kông păng groi kông jăl jang 2021-2030, jăl blŭng: Đơ̆ng sơnăm 2021 truh sơnăm 2025. Kơdră chĕp pơgơ̆r Dơnŏ anĭh vei lăng Kon kông Hầu A Lềnh tơbăt, lơ̆m dôm sơnăm au kơnh, Khŭl kơdră teh đak đei lơ trong jang tơgŭm vă atŏk tơ iung mŭk drăm tơring kon kông păng groi kông, lơ̆m au mă kăl ‘noh chŏh jang sa. ‘Nau jei jing dôm trong tơlech jang mă Dơnŏ anĭh vei lăng, gô jang kiơ̆ lơ̆m khei năr kơnh.