VOV4.Bahnar - Pơ gê 21/7 Hop akŏm lơ̆m tĕh đak tơ chĕng hơ len, hŏk pơ hrăm, hlôh vao kơ jăp tơ drong Tơ chơ̆t đơ̆ng Hop akŏm mă 5 Khul kơ dră chĕp kơ̆l Trung Ương Đảng jăl XIII đei pơ gơ̆r tơ̆ Hnam Kuô̆k hô̆i păng pơih pơ dăh tơ păt truh tơ̆ 63 dêh char, plt lơ̆m tĕh đak.

Tơ̆ hop akŏm, Thủ tướng Phạm Minh Chính roi tơ ƀôh găh tơ drong "Hơ nơ̆ng tơ plih ‘nao, hơ met pơ ‘lơ̆ng trong pơ gơ̆r, tơ drong tơ gŭm, hơ tŏk tơ drong đei yoa, pran ‘lơ̆ng đơ̆ng vei lăng păng iŏk yoa tĕh, pơ jing jơ hngâm pran hơ nhăk tĕh đak bơ̆n jing tĕh đak đei iŏk yoa lơ" tơ̆ Tơ drong tơ chơ̆t kơ sô̆ 18-NQ/TW, ‘năr 16/6/2022 đơ̆ng Khul kơ dră chĕp kơ̆l Trung ương vă hlôh vao kơ jăp, drơ̆ng 1 nơ̆r găh đon tơ chĕng păng bơ̆ jang lơ̆m đĭ đăng Đảng, đĭ đăng kon pơ lei, đĭ đăng khul linh vă tơ lĕch jang ‘lơ̆ng tơ drong Tơ chơ̆t gĭt kăl âu.

Thủ tướng pơ ma tơ ƀôh 4 tơ drong lơ̆m tơ drong tơ chơ̆t 18 hăm 4 jăl, Mă 1, dôm tơ drong kăl vă pơih trong pơ jing, hơ met pơ ‘lơ̆ng tơ drong chĕp kơ̆l pơ gơ̆r vei lăng tĕh; Mă 2, tơ drong kăl athei hơ nơ̆ng tơ plih ‘nao, hơ met pơ ‘lơ̆ng trong pơ gơ̆r, tơ drong tơ gŭm, hơ tŏk tơ drong đei yoa, pran ‘lơ̆ng mưh vei lăng păng iŏk yoa tĕh; Mă 3, đon tơ chĕng, đon pơ hnŏng vă jang; Mă 4, tơ drong jang, trong vă jang; Mă 5 pơ gơ̆r bơ̆ jang kiơ̆.

Dơ̆ng: Tơ blơ̆