VOV4.Bahnar - Tơ̆ hop akŏm lơ̆m tĕh đak pơ tôch tơ drong jang tơ iung pơ jing Đảng sơ năm 2021, tơ lĕch tơ drong jang sơ năm 2022, pơ gơ̆r pơ gê 13/1, Kơ dră jang lơ̆m Anih tơm Chinh trĭ, Bí thư Trung ương Đảng, Kơ dră chĕp kơ̆l Anih pơ gơ̆r Trung ương, Trương Thị Mai pơ ma hơ dăh: lơ̆m tơ drong kăt tơ jur ƀiơ̆ bơ ngai jang đơ̆ng 2016-2021, gô đei ƀiên chê̆ mă hơ dăh ăn rim anih jang chinh trĭ đơ̆ng 2021-2026.

Pơ ma lơ̆m hop akŏm, yă Trương Thị Mai akhan, sơ năm 2022 jĭ sơ năm tôch gĭt kăl, pơih trong vă bơ̆ jang dôm tơ drong tơ chơ̆t đơ̆ng Hop akŏm mă 13 kơ Đảng. Pơ ma truh tơ drong roi tơ ƀôh, bơ̆ jang dôm trong jang đơ̆ng Tơ drong tơ chơ̆t 21 găh hơ tŏk tơ drong tơ iung pơ jing, hơ met ming Đảng păng rim anih jang chinh trĭ, yă Trương Thị Mai ăn tơ băt, truh âu kơnh vă roi tơ băt 1,2 trong jang pơ long năng găh bơ ngai chĕp kơ̆l chă rơih kăn ƀô̆ lơ̆m tơ drong rơih hơ met bơ ngai jang vă pôk rơih, ăn bơ ngai pơm phŏ.    

Dơ̆ng: Tơ blơ̆