VOV4.Bahnar - Pơ gê ‘năr 18/5, tơ̆ Anih jang Trung ương Đảng, Ban Bí thư pơ gơ̆r Hopa kŏm lơ̆m teh đak vei kơ jăp păng tơ lĕch jang kiơ̆ Tơ chơ̆t 06 ‘năr 24/1/2022 đơ̆ng Anih tơm Chĭnh trĭ “ Găh proh hơ met pơ jing vei lăng păng hơ tŏk tơ iung kơ jăp anih kơ drơ̆m Việt Nam truh sơ năm 2030 trĕng lăng truh sơ năm 2045”. Ƀok Võ Văn Thưởng, Bơ ngai jang lơ̆m Anih tơm Chĭnh trĭ, chĕp kơ̆l pơ gơ̆r Ban Bí thư vang akŏm păng pơ ma pơ gơ̆r hop akŏm. Pơ ma pơ gơ̆r tơ̆ hop akŏm, ƀok Võ Văn Thưởng athei, kơ dră anih jang đảng, kang ƀô̆ đảng viên athei vei kơ jăp, drơ̆ng 1 nơ̆r băt bơ̆ jang lơ̆m vei lăng, proh hơ met anih kơ drơ̆m, hơ dai hăm ‘noh jăh pơ jing tơ drong jang, pơm ‘lơ̆ng dôm tơ drong hơ găt tơ roi lơ̆m tơ drong tơ chơ̆t, jơ hngơ̆m đon ‘noh jĭ vei sơ đơ̆ng  proh hơ met hrơ̆ch 1 ‘măng ‘lơ̆ng, iŏk ‘lơ̆ng kon bơ ngai, pơ vih pơ văn pơm tơm.

Thuem: Tơ blơ̆