Hop akŏm ‘măng mă 4 kơ Anih chĕp kơ̆l pơgơ̆r Quốc hội vă pơgơ̆r lơ̆m 6 năr, klăih song pơm 2 đơt. Đơt 1 pơgơ̆r lơ̆m 1 năr 1 puăt, đơ̆ng năr ‘nâu ‘năr 8/7 truh 9/7/2026; đơt 2 pơgơ̆r lơ̆m 4 năr 1 puăt, đơ̆ng ‘năr 14 truh 17/7/2026 păng ‘năr 28/7/2026. Tơ̆ hop akŏm âu, Anih chĕp kơ̆l pơgơ̆r Quốc hội vă hơlen năng, tơgop nơ̆r găh: Luơ̆t hơmet ming, chih tơmât dơ̆ng 1,2 tơdrong lơ̆m Luơ̆t Kiến trúc; Luơ̆t jang đak dâu (oei chih hơmet ming); huơ̆t teh;

Tơdrong tơchơ̆t đơ̆ng Quốc hội găh trong pơgơ̆r jang, tơdrong tơgŭm hơdrô̆ vă sek tơlang dôm tơdrong pơm glăi luơ̆t ƀơm truh mŭk drăm teh đak, mŭk drăm kơdih păng tơmât yoa khoa hŏk, kơmăy kơmŏk, tơplih 'nao rơgei, tơplih hăm kơmăy sô̆; tơdrong hơmet ming luơ̆t Anih mong jên teh đak Việt Nam, Luơ̆t tang găn ôp jên păng Luơ̆t dôm anih asong tŏk iŏk jên, kŭm hăm lơ tơdrong tơchơ̆t gĭt kăl nai hai. Găh tơchơ̆t dôm tơdrong tih, gĭt kăl, Anih chĕp kơ̆l pơgơ̆r Quốc hội gô tơgop nơ̆r găh trong tơmât jên jang pơm Trong Ver 5-Tơring kơdrâm Hà Nội; tơdrong hơmet ming trong tơmât jên jang pơm trong gre treng Lào Cai-Hà Nội-Hải Phòng; Tơdrong pơjing plt Quảng Ninh găh Trung ương.