Sơnăm 2024, akŏp tơmam lơ̆m dêh char Kon Tum (GRDP) jô̆ pơhlom dang 20.490 ti hlak jên, thu mong jên jang ăn teh đak bơ̆jang kiơ̆ dang 4.425 ti hlak jên, tă ưh kơ iŏk đei tơdrong hơgăt tơlĕch ăn ngăl. Hơdai hăm ‘noh, 1,2 tơdrong hơgăt hơdăh lơ̆m hơtŏk tơiung mŭk drăm - tơpôl kŭm ưh kơ iŏk đei trong tơlĕch jang, mă loi ‘noh jĭ kơsô̆ tơ jur dơnuh hin lăp đei hloh 83% pơting hăm tơdrong tơchơ̆t.

Tơ̆ Hop akŏm ‘măng mă 18, Khŭl chĕp kơ̆l pơgơ̆r Đảng bộ dêh char Kon Tum jăl XVI hlôi pơtôch tơdrong jang hơlen lăng, dăr lăng păng pơm kiơ̆ ki luơ̆t Đảng sơnăm 2024. Kiơ̆ kơ ‘noh lơ̆m sơnăm kơdră đảng, anih hơlen lăng rim tơring kơ dêh char hlôi pơgơ̆r hơlen lăng 951 anih jang đảng păng vă jê̆ 1.300 đảng viên. Pơtôch hlôi hơlen olăng, pơm kiơ̆ ki luơ̆t hăm 2 anih jang đảng păng 157 đảng viên.