Kiơ̆ kơ ‘noh, lơ̆m 2 năr (25 - 26/3/2026), hloh 90 ‘nu bơngai tang măt hlôi đei pôk tơmơ̆t jang lơ̆m Kuô̆k hô̆i jăl XVI đơ̆ng 15 dêh char, pơlei tơm tơring Tŏk bŏk bŏk păng Nam Bộ hlôi đei hŏk pơhrăm, chă tơchĕng hơlen rim tơdrong nhen Tơdrong bơ̆ jang kơ Kuô̆k hô̆i; Tơroi tơbăt găh bơ̆ jang tơplih kơsô̆ păng rim phân mêm pơvih pơvăn bơ̆ jang kơ Kuôk hô̆i , pơtho tơbăt iŏk yoa App Kuô̆k hô̆i kơsô̆ 2.0; Trong jang hơlen, tơgop nơ̆r lơ̆m tơ iung pơjing khôi luơ̆t kơ bơngai tang măt Kuôk hô̆i; Tơdrong bơ̆ jang tơƀơ̆p pơma dơnuh hăm bơngai tăh hla kơ bơngai tang măt Kuô̆k hô̆i; Trong jang tơƀơ̆p pơma dơnuh hăm khul chih kơtơ̆ng ang kơ bơngai tang măt Kuô̆k hô̆i.

Iung pơma pơrô̆ tơ̆ Hop akŏm, Thượng tướng Trần Quang Phương- Kơ iĕng kơdră chep pơgơ̆r Kuôk hô̆i pơma hơdăh, ‘măng pôk rơih bơngai tang măt Kuô̆k hô̆i păng Jơnŭm vei lăng kon pơlei rim kâp jăl jang 2026 - 2031 hlôi jơnei keh kong, tơpă jĭ jăl trong blŭng a lơ̆m yak truh tơ iung pơjing chăl chĕp pơgơ̆r hơtŏ hơnơ̆ng xã hội chủ nghĩa kơ Teh đak. Hăm măt bơngai tăh hla năm tăh hla lơ hloh đơ̆ng sơ̆ truh dang ei iok đei jơnei 99,7%, bơngai tăh hla hlôi pôk rơih đei tôm 500 ‘nu bơngai tang măt vang iung jang lơ̆m Kuô̆k hô̆i jăl XVI. Hăm hơnăp jang kơtang păng lui kơjăp, kon pơlei hlôi sơkơ̆t hơdăh jơhngơ̆m đon ‘lơ̆ng yak hơdoi hăm Đảng, Teh đak păng mă kăl pơtruh ăn tơdrong hơpơi ‘meh vă tih tên lơ̆m tơdrong tơplih ‘nao kơ Kuôk hô̆i jăl ‘nao păng hơnăp jang kơtang, nuih mơng, gơh hơgei kơ rim bơngai tang măt Kuô̆k hô̆i.